Ялгыз хатын

Ялгыз хатын - ялгыз каен 
Өзгәли көзге җилләр.
Яфраклар иртә саргайган,
Әллә чит туган җирдә...

Сыгылсаң да, сына күрмә -
Син бит җирнең бизәге.
Давыл узар, кояш чыгар,
Тик чак кына түз әле.

Ялгыз хатын - ялгыз каен
Ялгыз булу кыендыр.
Янында бит сөйгәне юк,
Эй, Ходаем, сыендыр.

Сыгылсаң да, сына күрмә -
Син бит җирнең бизәге.
Давыл узар, кояш чыгар,
Тик чак кына түз әле.

Елар чакта елмаясың,
Яшисең әрнеп - көеп.
Көтәсең бердәнбереңне -
Сүнмәгән соңгы өмет.

Сыгылсаң да, сына күрмә -
Син бит җирнең бизәге.
Давыл узар, кояш чыгар,
Тик чак кына түз әле.