Эл Тилеги

Бирде келет байлык, бийлик баарына,
Бирде кетет тайып, жаның сыздата.
Кайгырба, кайгырба сен жашоо шартына,
Тагдырга, тагдырга буйругу да, бары да.
Байкабайсың болуп турган бактыңды,
Аздык болот дайым сага ырыскы.
Каалаба, каалаба жамандыкты душманга,
Таштаба, таштаба досторуңду азапка.

Кайырма:
Жашоо деңизи,
Элдин ай, тилеги.

Жылдап-айлап түшүнөрсүң баарына,
Жолуң кыска жакшылыктан тартынба.
Чалдыкпа, чалдыкпа алданбачы байлыкка,
Айрылба, айрылба ыймандыктан жакынга.
Кардуу күндөр өтөт, жылдар аз-аздан,
Карыялар берет батасын сага.
Жараткан, Жараткан, жаралганды кубатта,
Ааламга, ааламга көкөлөтүп асманга.

Кайырма:
Жашоо деңизи,
Элдин ай, тилеги.